BORONG

Hoy dumdom mo pa…

Sabado…. September 26, grabe an uran…bahabaha….mala hasta niyan borong an mga tawo.

Pauli ako sa balay …wara masakayan…sobra na sayo kaoras an hulat…binaklay ko na lang…daghanon man kami na nagbaraklay….kaya diri nakapagal sin mayad….diri man lang ako dinaggahan…diri talaga ako dadanggahan kay hulos ngani san uran.

Diri lang uran…pati tapsik san baha…kay atog maski hanggan tiyan na an baha….sige pa an uruyag san mga bata..tiripyahan..damay an sibilyan.

Nakay sa ruluwayluway an lakaw…basi mahulog baga sa manhole…sige an iristoryahan maski diri kirila. Pero an pinakasentimyento…nakay irog sini an baha…kahararom tulos…dati diri man irog sini.

Paturuklingan…an intutukdo sabi …pano sobra an uran…mas daghan pa sa inuran sa sayo kabulan…nan sige man baga an uran san mga nakaagi na semana kaya ipon na nanggad man. Nadomdoman ko lugod an lesson sa Christian living san 4th year…Articles of Faith…The Apostle’s Creed…1st article…I believe in God…the Father Almighty….

Sabi an Diyos…ama nato…makapangyarihan sa intero …pero mapagmahal…not just a father a LOVING FATHER…..nem tubod ka….wara kunontra sa klase….tapos…role-playing.

Scenario 1…bata na babaye…8 years old…para hubog an ama..parasugal an ina…taga ataman san mga mas bata na kamanghod…diri na nageeskwela…nabubugbog pa…nareyp pa san sadiri na ama…burod.

Scenario 2 …very promising na bata…matalion…active…maboot…masunudon sa magurang..ideal son…putoro san pamilya…pag-uli..natripan san tambay…binaodan sin kahoy sa likod pati sa ulo…bari an spine…buka an bungo…comatose..pagnabuhay…gulay.

Scenario 3 …para pangadyi na ina..deboto san intero na santo… may kabit an asawa…naging adik an lalaki na bata… naburodan an baye… nagkaapo sin may cerebral palsy … niyan naaraman may kanser siya.

May Loving Father pa?

Drama..drama…action. Malin parepareho an dialog… Ayaw pangluya…Kusog lang sin boot…Pagsubok lang san Diyos yun.

Niyan an baha..si ondoy..pagsubok?

Ambot …siguro..pero mas bilib ako…pareho san lesson ta sadto…diri ini pagsubok san Diyos…himo ini san tawo.