IRISTORYAHAN

Iristoryahay na ako nabati man...

Sadto na panahon sa sayo na kagubatan nalalagalag an sayo na tawo…

Hala…hain na ako. Diri ko na aram an paluwas dini …kadaragko sini na mga puno…diri ko man matan-aw kun may harani na balay. Makahapot man lang.

Sa kapagalan…napaingkod siya sa irarom san sayo na puno….pero diri niya aram na kakaiba ini na puno kay mao ini an inggagahoy na wishful-tree…pagnapaingkod ka sa irarom sini maski nano an ayoon mo…ihahatag.

So…nakaingkod na siya…

Hay…talaga…grabe na sakit…masakroon an buhay…batog san pagkabata…puro tios…wara sinti…may gusto bakalon…diri mabakal….may gusto na uyagan…hanggang imod na lang sa kauyag….may gusto kaunon…hay…nagralaway na lang. Wara man lang makuha na gusto.Tapos niyan… naghahanap sin pagkabuhay…nalagalag pa…dini na kaya ako mamatay…. pero…tabi man…bag-o man ako mamatay…painoma man ako tubi…maski diyo..kay grabe na an paha ko.

Pagkasabi sini …bigla may bunutwa na bata na lalaki…nagdadalagan may dara na sayo na baso na tubig….tapos hinatag sa kaniya.Nginarat siya…pero ininom an dara.

Bata ...nano an ngaran mo…diin ka nakaistar…pula ka…nakay diri ka nakasimbag… ay…bayae…basta nakainom na ako….pero sana sa sunod may lasa man an tubig nan an magdara an pwede ko man makaistorya… kun daraga di mahabo.

Bigla hunali an bata…nan may unabot na magayonon na daraga…halabaon an buhok…may dara pa na sabaw san silot.

Ok sa alright ini ha… mayad malagalag sa lugar na ini…intero na ayoon ko…presto.

Mis…pwede dini ka sa abay ko…nan medyo masahea man an likod ko…grabe an kulog san lawas ko sa pagbaklay…. Nyan doon…pababa…sa too diyo…hay….siram.Mao ini an buhay…malin an life…pero…hulat malin an iba….basi minatay na ako.

Diri ka pa tabi minatay…yaa ka lang sa lugar na maogma…nan ini na puno an naghahatag saimo sin mga inaayo mo.

Talaga…salamat puno ha…pero nakay wara ka bunga…dapat daghan an bunga mo para mas mayad tumambay sa irarom mo…nan may mga tamsi…iba iba an mga kolor…para maogma talaga…tapos may mga hayop na nagdurudalagan sa piliw….may usa…rabit ...zebra …girape…nano kaya kun may mga leon nan tigre pa sa hampang ko.

Bigla nagkamay-on san intero na hinanap niya…pati na an leon nan tigre…sa bigla niya natulala siya….bag-o pa nakawish ulit… diri na nakawish.

Nano an gusto mo diri maihatag an mga gusto mo o mapasaimo an mga inaayo mo?