Hapot ko sa sadiri ko...

Nabuo ta na an Alumni Association ta, an pagrehistro wara na problema...

Sa mga officers may hapot ako. Nano an concrete na objective san pagbuo ta san association? Realistic ba an expectations ta, achievable kaya an goals ta? Naipasabot ta kaya sa mga myembro an aagihan ta na mga proseso bag-o maabot an goals ta? Aram ko dako-dako an responsibility niyo kay diri man ini uyag na inhihimo ta. Kun san-una na panahon mao, niyan may mga tamang pagsabot na kita... seryosong usapan naman ada ini.

An hapot ko sa sadiri ko bilang myembro... nasabutan ko kaya an objective san association ta? Nano daw an maidadanon ko sa inbabatugan ta na asosasyon?!

Wara man sin bagay na naging successful na diri nagbatog sa saday na bagay. Diyo-diyo, damay-damay, tiyaga, pinagdadanggahan, paghulat san tamang panahon, pag-isip san tamang estratehiya! Sakripisyo!

Masyado pa siguro maaga kun maghapot ako kun nano an maidadanon sa ako san asosasyon. Nano daw kun sa lima kataon magdanon man muna ako para pakusugon ini na organisasyon? May mga myembro man liwat kita na utob sa boot an pagdanon pa-agi lang nira para mapadagos an komunikasyon sa mga ka-batch kay iba gud talaga an bond na nabibilog sa urupudan/hiriran san high school years. Pero kaipuhan ta man maghiro, maging aktibo, ipaimod na may pagdanon kita, mag-sakripisyo, maghulat san tamang panahon.

Nano daw kun sa niyan diri ta isipon na may maidadanon an assosasyon ta? Nano daw kun aramon ta muna kun harain na iba ta na ka-batch? Nano daw kun i-enjoy ta muna an urupudan ta through fundraising activities na di ta muna isipon na may maiipon an assosasyon ta... until the right time? Nano baga...

Sana... sana pareho sa hapot ko sa sadiri ko an hapot mo man sa sadiri mo...