open letter

Dear padi,


Pasensiya na kay niyan nagkakusog boot. Maski ngani diri pa talaga makosogon kay pinaagi ko pa dini. Diri ko lang talaga masabi personal.

Padi aram mo, grabe an basol ko kun nakay nangyari yadto. Diri ko huna na mao an babatogan san pagsiwayan ta. Nagkakulogan pa boot. Mas gusto ko na lang ngani nagkasuntukan kita. Siguro kun nangyari ini, tapos na an hangit mo.

Padi, mapagalon dar-on sa dughan. Dati, kita an upodan pirmi. Pagmaabsent ka, mao man ako. Pagma-escape ka, sasabayan ta ikaw. Maski ngani sa inuman, sunod kita magtagay. Fifty-fifty kita sa sigarilyo. Intero ini, bigla nawara.

Magub-at hasta niyan kay diri pa kita nakaistoryahan. Gusto ko man kunta iistorya sa bata ko na nagbababatog na makibarkada, na ako man may barkada na kaugos. Pero pan-o? diri ko masabi kay kun hapoton ako bigla hain ka na niyan. Nakay diri na kita nag-iimodan? Wara ako masimbag sa kaniya. Habo ko man magbuwa.

Padi, nakamis an upodan. May mga barkada man ako niyan, pero diri pareho. Diri mapantayan an ugma sadto. Iba talaga pag teen-ager. Happy-go-lucky. Wara mga pamilya nainiisip. Basta ikaw nan ako lang.

Padi, mag-iimodan pa kaya kita? I love you.


Posted by moy at 12:05 PM

UPDATES:

An RICO GAJO sadto san highschool kita RICO GAJO pa din naman niyan! maturog na kunta ako para kay naimud ko si RICO naka online pa, kaya nakipagkulitan pa sin diyo na minuto man lng. Nabasa ko kanina sa BLOG CHATBOX ta na in aayuan ni Winnie Gading sin update san hitsura / litrato si RICO. Mao, last week ako man mismo nag ayo man kan Rico sin updates niya... daanis baga na maski hararayo kita nag kakairimud ta an kamutangan kun mahugos na o mataba na .. o gwapo o gunayun na mga klsameyts ta ha?! dire man liwat kita pirmi naka garamit sin webcam kun nag iiristorya tru YM kay mga busy man pirmi sa trabaho myentras pa man mag para posing posing sa webcam!Pero ini na update ni RICO last year pa kuno ini sabi niya hahahahaha! Pauli siya sa PINAS sini hale sa SAUDI. HONGKONG AIRPORT,13 MARCH 2007 anyway irog pa man kuno sini an hitsura niya nyan heheh! Medyo nag sideview lng siya para sa diyo na pa kyut! Nya hala kay madaling araw na sa PINAS muklatun pa an matalsok ko, mamata pa ako dun atab..


posted by jee