Ting!

Cheers!

Here's just granting a request...

Nakay man nagpaparatinawa ka baya ging?

Joseph Espera (11/09/2008 5:10:51 AM): shaw me request ako
sharon74k01 (11/09/2008 5:11:02 AM): ano nga request mo joey
Joseph Espera (11/09/2008 5:11:36 AM): an request ko sharon gusto ko e post mo an pictures sa blog
Nancy Faune (11/09/2008 5:12:01 AM): nano na pictures un joey
Joseph Espera (11/09/2008 5:12:12 AM): sibutun ka man nancy
Joseph Espera (11/09/2008 5:12:22 AM): gusto ko si shaw an mag haput
sharon74k01 (11/09/2008 5:12:48 AM): anong pix?
Joseph Espera (11/09/2008 5:12:59 AM): malin habu man ugaring ni sharon mag hapot
Joseph Espera (11/09/2008 5:13:03 AM): ayan na
sharon74k01 (11/09/2008 5:13:17 AM): arin na pix
Joseph Espera (11/09/2008 5:13:31 AM): an pix sharon san kariton na pina himo mo pang saug san pinamalengke mo..
sharon74k01 (11/09/2008 5:13:45 AM): hahahahaha
Nancy Faune (11/09/2008 5:13:51 AM): hahaha
Joseph Espera (11/09/2008 5:13:54 AM): heheheh
sharon74k01 (11/09/2008 5:14:05 AM): pwede man
Joseph Espera (11/09/2008 5:14:06 AM): pwede?
Joseph Espera (11/09/2008 5:14:17 AM): made in the pilipins>>
sharon74k01 (11/09/2008 5:14:18 AM): kay man diri
Nancy Faune (11/09/2008 5:14:35 AM): num, nano ka niyan joey
sharon74k01 (11/09/2008 5:14:54 AM): bagong tema un u gave me an idea
Joseph Espera (11/09/2008 5:14:58 AM): bilib na ako saimo nancy
Joseph Espera (11/09/2008 5:15:12 AM): made in d pilipins
Joseph Espera (11/09/2008 5:15:23 AM): an e thema mo sharon
sharon74k01 (11/09/2008 5:15:28 AM): nops... kay di mabuhay an karabaw dini
Joseph Espera (11/09/2008 5:15:34 AM): hahaha
Nancy Faune (11/09/2008 5:15:42 AM): hahaha
Joseph Espera (11/09/2008 5:15:47 AM): kun sakali karabaw kunta an pinadara dun ha? Joseph Espera (11/09/2008 5:15:52 AM): hahaha
sharon74k01 (11/09/2008 5:15:54 AM): wara ako kulungan sun di pwede an loose animals dini
Joseph Espera (11/09/2008 5:16:01 AM): heheheheheh
Joseph Espera (11/09/2008 5:16:03 AM): hahahahah
Joseph Espera (11/09/2008 5:16:05 AM): hihihi
Nancy Faune (11/09/2008 5:16:13 AM): asus kagiti sun na tinawa
Joseph Espera (11/09/2008 5:16:37 AM): suggest ko sharon butngan mo bandera san pilipinas an kariton mo maski saday lang
sharon74k01 (11/09/2008 5:20:22 AM): di ko kaya alagaan an karabaw... di pati husto sa kotse un kun mahapdos baga
Joseph Espera (11/09/2008 5:20:31 AM): bwahahahaha
Nancy Faune (11/09/2008 5:20:39 AM): didto na lang sa gubat sharon
Nancy Faune (11/09/2008 5:20:46 AM): hanapan mo lang sin lab-ugan
Joseph Espera (11/09/2008 5:20:49 AM): pakaunun mo apple everydaw an karabaw
Joseph Espera (11/09/2008 5:20:57 AM): everyday
sharon74k01 (11/09/2008 5:20:59 AM): kaya flag na lang san Canada an ibutang ko
Joseph Espera (11/09/2008 5:21:05 AM): hahahah
sharon74k01 (11/09/2008 5:21:12 AM): sosyal na karabaw
Joseph Espera (11/09/2008 5:21:18 AM): hahahaha
Nancy Faune (11/09/2008 5:21:26 AM): bay-i na san flag san pinas
Nancy Faune (11/09/2008 5:21:30 AM): sa ato na hamok un joey
Nancy Faune (11/09/2008 5:21:31 AM): hehehe
Joseph Espera (11/09/2008 5:21:39 AM): nya hala

boy kudal

Tea & Croissant Company Ltd. A Hatsing Bros. Hoding Company.

We measured anything from Model to everything...

an skul ta... sa niyan

... i grab these photos from another site, 'thot u might want to see new bldgs of our school...w/new color too... (or naimod na cguro niyo ako na lang an diri nakaimod...) (' ',)

IRISTORYAHAN

Iristoryahay na ako nabati man…


Sadto na panahon, sa sayo na lugar, na kun gahoyon Sta. Cruz…. an mga tawo intero may pas-an na krus…. Nan diri lang yun…nakakaistorya man nira an kanira diyos. Intero sira padaba san diyos…pero may sayo na tawo na pirmi in kakadto san diyos nan insasabihan na sa intero siya an pinakapadaba.

…. Ambot baga kay maski uruadlaw inbibisita siya san kanira diyos… uruadlaw man an reklamo sini…na mas magub-at an pas-an niya na krus kesa sa iba.

…. Sabi niya sa diyos na diri man niya inaayo na diri na siya magpas-an krus….kay pangit man kun maiiba siya….pero nakay man mas magub-at an krus niya.

…. dapat an tama lang an gub-at… an kaya lang…o mas mayad an mas magaan kay siya man baga an sabi na padabaonon….diri irog sini na nagralabod na an kaniya abaga…nan may bigol-bigol na an kaniya kili-kili…pati an tuhod niya may lupak na kay minsan na nadadapa siya…diri na nakatindog, mao na lang an inpanlalakaw niya.

…. Bag-o ngani siya magturog sa gab-i…sabi niya sa sadiri… mas mayad pa siguro diri na lang siya an pinakapadaba kay imuda an iba….nakangirit pa mag-alsa sa krus nira.

…. Kaya sa uruadlaw na imudan nira san diyos…mao ini an nahihilwasan niya. Nag-aawat ngay-an…nagdadagdag an reklamo. Intero sa gub-at… pagal….pagtios.

…. So, sayo kaadlaw…nauyam na siguro man an diyos kababati san agrangay niya…sinabihan siya na mabakal na lang sira bag-o na krus….nan para mas mayad umupod siya para makapili sin gusto. Pinahundan kay padaba.

… Diretso sira sa tindahan sin mga krus….paharani pa lang…sobra na an kaexcitedan…dunalagan na pasulod…sa pintuan pa lang..sinalya an dara-dara na krus nan nagbatog na magpili sin pantukal.

…. Nakaimod sin ginto na krus…mayad ini, ginto…pinurbaran…ay abadaw…grabe an gub-at. Diri kaya.

… Nakaimod sin lansang ….mayad ini, matibay…pinurbaran ulit… sus, mao man an gub-at nan halabaon…sagyad.

.… Nakaimod sin kahoy….mayad ini, magaan-gaan…1,2,3, payt…malin makulog sa abaga kay may buko-buko an kahoy.

…. Nakaimod sin stainless…. Mayad ini, wara titanus…praktis…pagol na, diri makapotan…mahanlason.

…. Intero diri mauyunan…nem…tyagaan mo na lang mun-a yun…basi sa sunod na bulan may umabot na bag-o… balik na lang kita dini.

…. Sige na lang ngani…ooppps…hulat lang… may sayo pa dini na krus o… nakay diri ini nakaupod sa mga display…inpapabakal man kaya ini…aber…purbaran ko mun-a.

…. Imuda… mayadon ini…tamang-tama an taas….pino…diri masyado mahanlas…nan ayos an gub-at..gahom ko ini. Mao na lang ini an bakalon ta.

… Basi diri yun inpapabakal…nakasiway baga.

…. Kakila mo man an tagsadiri sini na tindahan kaistoryaha na baya.

…. Sige….pero mao na talaga yun an gusto mo… pagnabakal ta yun…diri ka na sin reklamo.
…nakay mareklamo pa man ako…eksakto na ngani intero ini.

…nya hala….

…. Inpapabakal ba ini na krus…tagpira.

…. Ah…,diyos diri yun namo pwede ipabakal….

…. Sige na…maski tagpira ini..babayadan ko…kay gustohon ini san pinakapadaba ko…kun may tigsadiri na sini…sabihi bayadan ko na lang siya…maski doble.

….. Ah… Diyos diri namo yun pwede ipabakal kay diri man yun amo…may tigsadiri na sun…

…. Sabay imod sa kaupod san diyos.

…. Sa imo baga yun…diri mo na matandaan….kanina pagsulod mo sinalya mo lang….tinindog namo dun para diri makaulang…. Mao baga yun an dara-dara mo.

SEPTEMBER 7, 2008

SAN SABADO

GLORIA AND FR.JUNAR

Comments from sharon: Sept. 5, 2008 20:44

Goyaaaaa! kagayun mo man. Any of your 'gods and goddesses' certainly admire you for the beautiful person that you are. CHEERS to wishing you serenity to love whatever comes with being the unique YOU. From the crest to the through of the melodramatic you- be comfortable- it's a gift you may not have realized given to you. Affirmations are booster shots, yes, but not a requirement. Your life is just perfect as is. I think no major repair plan is needed. Live it. See ya!

Junarrrr! ka-guwapo mo man na padi. Amen.

borong lang

Imuda an buhay dini sa kinab-an
Intero may katimbangan

May mga bagay na nawawara
Pero diri mahaghag kay may mabutwa

An lolo ni joey namatay
An bata ni bong nabuhay

An bata ibinurod san ina
Mabuo kaya kun wara dukuti san ama

Maski sa science ngani may pwersa na centrifugal
May saog man pasulod na centripetal

Sabi san iba nakay diri pwede puro ogma
Para an kada sayo nakatinawa

Hala, grabe na ginawi niyo
Kun habo magmati sin mondo

Kaya padi padagos na lang pirmi
Kay an buhay mao na talaga ini

It's a baby girl!

Yeheey!!! DADDY na si Bong Din!

Aug. 30, 2008 @ 10:26pm,
I got a txt msg from Bong;
"lunuwas n healthy bb girl".

Elizabeth Ann Din

- si baby bonggay...

BELATED

bday ko - regalo ko

Birthday ko baga….naghuhulat ba ako regalo….diri na….kay maski diri ko birthday….christmas….o nano pa man….may regalo na ako.

Mga regalo na natanggap ko…

Dorreck - padi, regalo ka kay sayo ka sa kaupod ko magtake entrance exam sa saa. Diri man kita magkaklase sa elementary, ambot kay nag-upodan kita. Pinakusog mo boot ko. Kaupod ko gwapo mag-exam. Gwapo man ako.

Jean – regalo ka kay kaupod ta man ikaw mag-exam. Diri ta man ikaw kaklase sa elementary. Wara ako matandaan na nagkaistoryahan sadto pero san pag-exam malin awat na kita nag-uupodan.

Baba – regalo ka kay kita na opat an urupod sa exam. Kita na duwa an magkaklase san elementary, kararani mo sira siguro ikaw an konek kaya naging opat kita. Sayo na gwapo, duwa na magayon…magayon na lang ako.

Rico – regalo ka kay ikaw an kaupod-upod ko sa pagsulod sa advance summer class bag-o an first year. Sabay sa bike. Ihalo sa iba pa na ma-first year man. May kaistoryahan tulos.

Danny – regalo ka kay ikaw an una na titser ko sa haiskul pero malin friend na. Nawara an hadok.

Kwikik – regalo ka kay sayo ka sa una na kaklase na kaupod sa ringsal. An tago mo sa likod san pinto para magbasa sin love notes hali kan…_ _ _ _ _ nan same shape flock together baga

Lacan regalo ka kay diri lang an ngaran mo an noble pati pakiupod mo. Dugong maharlika.

Engay regalo ka kay wara bastos basta lalaki lang. Fun-filled memories lang baga.

Ever regalo ka kay small but terrible. Wara yun sa saday o dako. Nasa dako yun. An sisid nan landing dumdum mo pa san 1st year?

Bendoy regalo ka kay nahali an raw-ay ko diyo san pagsolicit para sa mission envelop. Maski notorious nagpursige para sa mga nagtitios.

Bon regalo ka kay maski sige mo an escape at least diri mo ako inagda. Pero san inagda kita sa pagsolisit para sa mission upod ka.

Gringo regalo ka kay diri lang kudeta an aram mo. Peace man baga. Bararkada

Tobing regalo ka kay sa miting de avance mo mas ikaw an napapangisgan sa ribok kesa ako. Sadto kay bata pa sa iristoryahan na bubuo an urupodan. Niyan na lang an sa irinuman. Ni shenme shihou gei wo pijiu?

Beda regalo ka kay kauupod ko sa imo napapaisip ako iba na solution sa math lalo na kun makadto kita kina mam espedido paggabi. Di lang number proposition pati love proposals.

Mam Espedido regalo ka kay may pasensiya ka makidiskusyon san mga naisip ko na solution sa math. Pasensiya diri lang sa solution pati sa kakulitan.

Magpanti regalo ka kay ikaw an kaogmahan maski sa kurusnitan ni Sor Paz. Diri ka kaya masokista? Ogma lang an hanap.

Sor Paz regalo kay ikaw an music titser na naging music mismo san buhay namo. Feeling namo magayonon an mga boses namo. Yun ngay-an boses mo lang an nababati. Diri kaya labawan mi.

Bong Din regalo ka kay ikaw an nagpaimod sin burubutnga. Diplomasya baga. Virtue lies in the middle talaga.

Joemel regalo ka kay sa pagupod sa imo nakaadal man ako magtugtog instrumento. Diri ko lang ngani naadalan sin husto. Nakatugtog man maski para sa ako sadiri lang.

Allan Escoto regalo ka kay ikaw an kontra sa arrow ko. Don’t worry be happy. Padi, dumdum mo pa enneagram?

Junar regalo ka kay ikaw an timbang. Seryoso na diri. May ringsal na wara kulog. Nabahinan mo man siguro ako. Pero diyo lang.

Umbay regalo ka kay ikaw an para bisay san buhok pagkatapos maburogan san rice-teraces. Pati bake cake tinukdo mo.

Dok regalo ka kay an mga nuggets of wisdom na inparabasa ta hali sa imo. Ambot lang ngani kun naimbibe ta.

Glen regalo ka batog sa paglakaw pa skol nan paghunting hasta sa paghimo itlog na maalat. Wara alat an upodan

Estayan regalo ka kay mayad baga na patunayan na an barkada diri maraot sa pageskwela. Depende sa pagdara.

Adonis regalo ka kay iba an pag-uropod. Ikaw may medal kay choir san haiskul. Sin-o an mahuna? Padagusa yun na kanta mo kaupod naman an choir of angels.

Sharon regalo ka kay kun may tago ka na mga letters san batch sa imo, may tago man ako na shinare mo sa ako. Diri mo madumduman ako aram ko pa. Diri na kita acquaintance lang friend na.

Goya regalo ka kay may inagihan kita…may paagi ka na diri ko aram. Sa durho magkakaaragihan man gud kirita.

Rene F regalo ka kay pirmi ka may balon na istorya. Diri ko pa aram na may-on ngayan sa manila mga comedy bar, nasampolan mo na ako. Mas mayad pa. Unadulterated. Para-urag ka talaga. Maurag ngay-an.

Nancy regalo ka kay ikaw an do not judge the book kay diri ka book. Mahinhin pero medyo bastos. Go girl. Yucks…eww.

Eman regalo ka kay an mga Filipino folksongs naapreciate ko. Malin kaupod pa ngani an mga alas may kapot na spade, king san mga puso, queen na may diamond nan jack na nagkakalunggay.

Joey regalo ka kay inayuan mo ako pix sadto. Tinago mo pa. linuwas niyan. May theory of evolution lugod. Butiki naging orig. San-o kaya maging tawo?

Maris regalo ka kay diri ko matandaan na nakasulod ako saiyo balay sa gubat. Pero intero na inistaran mo dini sa manila nahubog ako. May hatsing pa na pang lullaby.

Marj regalo ka kay awat mawawara an bararkadahan. Luway-luway pan-o. Mauuna pa mawara an kinab-an. Mayad ngani ini.

Aireen regalo ka kay wara na ako labot sa extra-curricular activities ko, ikaw an nagpursige magsurat. Naka-earn ako points. Namention lugod ako na may honor. Basta wara kita extra-curicular ha.

Bong E. regalo ka kay si tatang mo na kaskasero naging barkada ko. Pagol na.

Abet regalo ka kay maski diri ako maaram magvolleyball sabi mo mayad ako. Imuda naging para tukdo lugod ako sa mga diri maaram man. Blind leading the blind? Projection lang yun. Sa bikol hambug.

Marie regalo ka kay diri lang ako an mahugos sadto. Share kita. Mayad na lang diri kita nagsaralabudan pag magkaupod. Dapat shinare mo man an mayad mo sa drawing.

Zenia regalo ka kay an records namo diri nagkasaramok. Pirmi mo pa ako intitinawahan maski ako an masamok.

Maricel regalo ka kay maogma baga magtinawa. Labot ta man sa kanira basta kita matinawa. Nagtotoothbrush ngani ako uruadlaw para makatinawa lang.

Nimfa regalo ka kay an paglead sa rosary nan angelus maski ako ikaw na lang. no if’s no but’s.

Gatsbi regalo ka kay maski irog ka soon, irog talaga sun. Pag-upod, upod. May diskarte. Pinsan ko ini.

Jack regalo ka kay sa pagdanon, danon talaga. Wara talaga an pwede magsabi na wara siya mahahatag.

Kabayan regalo ka kay an speech diri lang hali sa hiwa. Nahawa man ako sa ugot sa boot. Mabuhay an pilipinas.

Isko regalo ka kay ikaw an una sa sipag at tyaga mag-adal. Pati na pagluto. San-0 man an Japanese cuisine?

Mam Fortes regalo ka kay an tiwala na hinatag mo nagamit ko. Sabi nga nira naging buo ang loob, di man nasira an tuktuk.

Mam Gina regalo ka nakibarkada ka sa studyante. Barkada lang ba? Mao lang talaga. Sister, amen.

Mam Beth regalo ka kay aram ko sa uruadlaw na samba mo kaupod ako sa pangadyi maski minsan nahangit ka sa ako. Mas makusog daw an ayo sa langit san hangit sa imo basta para sa ikaaayad ugang.

Mam Rita regalo ka kay ikaw lang an titser na babayi pa nagpas-an bahi. Yan ang taga-uma! I am proud also of my roots. Kamo?

Sir Gie regalo ka kay aram ko maski pikon ka na sa studyante mo, pasensya lang. Patience diri lang ngay-an section san 2nd year, virtue that would add long years into your life pa.

Sr. Alice regalo ka kay ikaw an parapangisog sa ako. Mao talaga makuha na lang ako permit, last minute pa. Libre na ngani nagpapahulat pa. Prima Dona.

Sr. Heidi regalo ka kay daog mo pa an make-up artist. Namake-upan mo ako. Iba na lugod ako niyan. Total make-over.

Sa mga regalo na nakalimutan ko na kun kanino hali…ayaw lang, diyo pa na inom..madudumduman ko gud yun.

An iba aram ko gift man…secret lang nga an pagka-wrap.

I won’t say thank you…but be assured I’LL PASS IT ON.

birthday greeting!

MAY YOU HAVE MANY MANY MORE B-DAYS
TO COME
AND MANY MANY MORE PICTURES
TO CHOOSE FROM
PARA MA-I-POST DINI SA BLOG TA!
CHEERS!

I, myself, need reminder too:

"HAPPINESS IS TO BE FOUND ALONG THE WAY, NOT AT THE END OF THE ROAD, FOR THEN THE JOURNEY IS OVER AND IT IS TOO LATE.

TODAY, THIS HOUR, THIS MINUTE IS THE DAY, THE HOUR, THE MINUTE FOR EACH OF US TO SENSE THE FACT THAT LIFE IS GOOD, WITH ALL OF IT'S TRIALS AND TROUBLES, AND PERHAPS MORE INTERESTING BECAUSE OF THEM."

- by Robert Updegraft

gloria 2

Fortunately for me, you were there.
You showed me how to relax.
You put up with my childishness.
You shared with me the joys of everyday life.
You listened to my drowning sentiments without disgust.
You let me do whatever we want without a care in the world.
You taught me that it wasn't about being on top of
everything but just knowing enough to get by.
Thank you.

PAM blowout man daw!!!

IRISTORYAHAN

Iristoryahay na ako nabati man…

Sadto na panahon sa dagat naman…may sayo na kapitan san barko. An barko na dina-driyb niya mao an pinakadako na barko na panggyera sa bilog na kinab-an….

…. Sayo na gab-i… inabutan sira sin makusogon na bagyo sa laot. An kapitan relax na relax lang sa cabin niya kay kadako nan katibay man sa sakayan nira…pahuruhigda nan pakurukuyakoy…. Pero diri nag-awat, may kunatok sa pinto.

…Sino kaya ini? Pagbukas niya naimod niya an kaniya assistant…nagrulumti…Nano?

….Sir, an barko ta medyo nadadaog man gihapon san hangin kaya nasasakitan kita umabante. Nan diri na naiimod an inaagihan ta kay madulumon na.

….May radar baga…nano diri ka maaram magbasa?

…..Sir, an radar nagpaparung-parong…naapektohan ada san balud na tunama kanina.

….Nya sige balik na sa pwesto mo….masunod na ako…mga patalon talaga kamo…para bagyo lang diri kaya.

….Sununod nga an kapitan…Pasulod pa lang siya sa driberan…may nagsisiyak na sayo na tawo…an bantay ada yadto sa bridge.

….Mabangga kita…liko..liko.

….Yaa pa an sayo na patal…Nano na mabangga…aber, ako na yun na teleskopyo mo.

San pagkasikop….naimod an baga na parong-parong na ilaw…

…radioman, radyohi an nasa-unahan ta na lumiko kay kun diri babanggaon ko siya.

…ay ay sir…sir kita daw an lumiko.

….diri, siya an pasiwayon mo. Sabihi na dako-dako an barko ta. Kun diri siya umiba direksyon, mawawarak lang siya. Malin siya tinudos na kuto.

….sir kita daw talaga an dapat na sumiway.

….de puta…buang talaga yun…ako na an radio…Hoy…gago si Kapitan Notorap ini…lumiko ka.

….Sir, si Midshipman Garuam po ini…sir, kamo tabi an lumiko.

….Tarantado ka talaga…pag ako naging admiral…para hali ka na lang takla sa barko…ikaw an lumiko…dara ko an pinakamakusog na kanyon…gusto mo torpedohon ko na lang ikaw.

….Sir, ayaw man tabi… pero kamo talaga an kaipohan lumiko…kay maski nano an dako san barko mo o maski nano an kusog san armas mo….diri yun magahom…diri po ako driber sin barko o maski lantsa man lang….bantay lang po ako dini sa PAROLA.