BORONG

Nano man daw kay an mga bata niyan paborito na hapot…nakay. Kapagal lugod simbagon. Pwede man nano…diin…nuarin…medyo masayon-sayon.

Pero nakay nanggad…nakay.

Nauubos na an pinakatagutago ko na eksplinasyon. Kapagal baga simbagon san nakay…nakay irog sini…nakay irog sadto.

Kamo nasasakitan man magsimbag. Pero kaya…

An pinakamasakit na nakay siguro…paghinapot na….nakay dati irog sini…nakay niyan iba na…nakay dati mao ini…niyan iba na naman….nakay pag ikaw an naghimo diri maraot…nakay pag ako sala. Nakay malin balimbing ka…nakay dati hosanna…nakay niyan ipako na sa krus.

BORONG

An mapagal sa pagpansin san sala san iba…kay ikaw man may sala. Pirmi insasabi…nakay ikaw man ngani may sala…mas daghan pa kesa sa ako. An wara sala mao an una na bumato.

Wara na kita sini suruwetohan…wara pakiararaman…kay puro may sala. Pakarin na kita.

Ako maski may sala ako…maski mas dako kesa sa iba…sasabihon ko kun nano an naiimod ko na sala….kay naimod ko an sala. Diri man para masala ka lang…kundi para maaraman mo na may sala….malay mo diri mo lang aram…pano mo mababag0.

Kamo…sasabihan man niyo ako…maski mas dako kamo kasalan kesa sa ako….sige na baya…sabiha na…para makabag0 man. Pag ako nakadto sa impyerno kay diri niyo sinabi an sala ko….grabe nay un na sala niyo…kaya hulaton tan a lang kamo didto

BORONG

Pag-insuronodsunod mo an mga obligasyon sa pagpamilya…an pagdisiplina sa bata…medyo hataas na prioridad.

Pan0 ba magdisiplina?

An iba inkakaistorya sin mayad…an iba may pakol…may baod pa…an iba naman inpabayaan na lang kay habo man magsunod…mahihingawan man gud yun.

Pan0 kun grabe sa kulog sa ulo…wara na galang…wara modo. Pareho baga san bata na hugakon..diri mo mapasunod…tapos sabihan ka pa sin….diri na ako makahulat na matigbak ka…ako na an mana ko?

Ihahatag mo?

Tapos pag nawaldas na intero mabalik…diri man para mag-ayo tawad…kundi para may makaon…may maistaran…makasurvive. An sabi matrabaho na lang sa imo….an hambog.

Nem nano an hihimoon mo?

BORONG

Pwede ba maghapot….hapot lang…

Pag an sayo ba na tawo nawara na dini sa kinab-an….nano an gusto sabihon…

Kinuha na siya ni Lord…nakay…inutod na kay diri nagbubunga…basi diri man…pinamunay na kay ..ok na….job well done…fought a good fight…finished the race.

BORONG

Masakit ba an buhay? Mapagal? Tios?

Nakay may nagsabi ba saimo na madali….sino yun…pakilaa man daw yun sa ako.

Wara man madali…wara man puro ogma…kun an sayo na tawo ngani na pinakamaurag…nagtios…naglakaw disiki…may pas-an pa…tapos pinako…hinubaan pa…nya kay nano man ikaw…mas maurag ka kesa kaniya?

Kunsabagay…normal man an magmaw-ot sin buhay na puro ginhawa…magtakas na lang sa sakit. Malin man lang an mga tawo nag nagsabi….nakay mababa pa…dini na lang kita…gusto mo mahimo kita tigsarayo na balay.

Pero an ending san istorya…bunaba…nagtios…nangyari an dapat mangyari.

Sige lang sa urhi…daog mo pa na kinula…tunaw intero na mantsa.

BORONG

Nakaligo ka na ba sa truck…ay sala… natukso ka na ba…ngay-an.

Nano ba an pinakamakusog na tukso…an madali ka bumigay….

Sabi nira sa lalake…an aram mo na…an seksi na magayon….pano man an sa baye…syempre an nagpapaseksi nan nagpapagayon…para siguro sira naman an maging tukso.

Pero nakay naging tukso kaya yuon…pano maibitaran…may pangontra kaya?

Sabi ulit nira…an sa lalake daw may labot doon an pagiging machismo…sa baye kaya feminismo? Basta mao daw ini an paagi para masabi na lalake ka o babaye ka. Pag nag-irog ka sini…buo ka….malin pantapal sa kakulangan.

Nakay kulang ka?

Tiwala lang yun sa sadiri na diri ka kulang. Na diri mo na yun kaipohan para maging seksi…macho…magayon…gwapo. Purbari baya.

Tapos ….purbaran mo pa magtiwala sa naghimo sa imo…mas lalo ka magayon.

BORONG

An mapagal sa paghimo kaayadan an pagsustinir. Mapagal na an maging maboot..uruadlaw pa kaipohan.

Minsan…nakakapangluya….sige mo an himo kabootan…di napapansin…di man lang mapasalamatan. Humimo ka sala….minsan ka talaga.

Nakay daw ha?...pero…gusto ko kamay-adan.

Masakit ngani…tsurutsamba sin mayad…ok...an pirmihan…kapagal isustinir…perseverance….fortitude.

Sabi nira an secreto sa pagpadagos ay an motibasyon…nakay inhimo mo. Nano an rason mo sa paghimo sin mayad. Malin mga attorney…an hanap motive pirmi sa litigation.

Pero totoo…mao ini an importante kay mao yun an nagdradrive sa himo…mao an nag-uusong…mao an nagguguyod…mao an ankla...mao an rason.

Kaya ngani kabuwaan lang an sabi na …swerte an mga pobre kay may kahadian sira na mamanahon…swerte an mga nagtitios…an nagugutom..napapaha…inlilibak…kabuwaan ini intero hasta diri mo susugponan san motibasyon….

Nakay…pobre ka..nakay …nagtitios ka…nakay gutom…napapaha…inlilibak…dahil ba sa ngaran niya?.

BORONG

Gusto mo bumoot…pero diri mo mahimo?...ako nahimo ko…pero medyo bitin…kulang.

Nakay daw kapagal?...kun sano ka nagpupursige..malin may kontra.

Mala kay gusto humimo sin the best na pamilya….the best na asawa … the best na magurang.

Sa grabe na paghinguha…pag-inimod mo…bitin man guihapon. Malin kulang pa an effort. Mao talaga siguro ini ha…nakakapangluya boot.

Atog ayaw lang…kay diin ba naiimod an ati…di ba sa masuna. Habang nagrarani ka sa ilaw…mas naiimod an mantsa.

BORONG

Nano an apelyido mo?...ah taga ano ka ha…ikaw?...dini ka na dunako pero an lahi niya hali sa ano….?

Nakay may irog sini?...okey lang.

Pano kun…taga ano ka…di parakuron ka….ikaw taga ano….so paraisda…ikaw man paratuhog kaligay…nan ikaw..parakuot kinis…

May irog talaga sini?...OO…iupod mo pa an paratagunhas.

Mas grabe kun sabihon na an mga taga ano…parahilo….an mga taga ano man….asuwang.

Mala kay may sayo katawo sadto na diri tinunguhan kay hali man lang daw siya sa lugar na wara mutang.

BORONG

Pwera sa pagsabi na kagwapo san bata ko, pagnabati na nira na grabe kon maghapot nan sumimbag siya, sabi pa nira magiging abogado siya. Propesia.

Sano ba nagkakatotoo an sabi-sabi. Pag-unabot na sa oras.

Aram ko parepareho kita may plano para sa puturo diri lang san mga bata pati na sa sadiri. Pagdako san bata ko….pagdako ko. Pano kun diri na dumako…pano kun sala an pagkadako?

Pero maski tama pa…maski nasunod na intero…minsan an pamati malin lain… iba…kulang. Sano mo masabi na mao na ini? Nafulfil na an plano. Nautob na an propesia.

Pareho man baga san sayo na tawo pagkatapos basahon na an mga buta makaimod…an bungol…makabati…an namomroblema..maginhawa…an mga pobre…makabati sin goodnews nagsabi sa parabati niya…niyan ok na..ayos na..nangyari na ini.

Hain man? Daghanon pa man guihapon an buta…an bungol…an pilay an malain-lain na pagtios.

Ah… basta nasunod na an plano…tapos na…fulfilled na.

Imuda na lang baya…kay sa ako paginbestiga….yun na pamati na iba hali lang sa iba na plano…an original na plano ok na…in sugpunan na lang sin iba na kun minsan kasalungat san tapos na.

Inruba lang an tapos na. Muklat na… sinuklat pa…nakabati na…tinakluban pa…nakalakaw na sin bisay…binaodan ulit.

BORONG

Unabot na ba an masunod sa imo? Unabot na kaya lang….

Nano an himoon ko…karapaan na lang…may insasabi an lolo…an lola…an mga gurang..pati ngani an kadanon…may0n pa nababasa sa mga libro nan magasin.

Minsan lalo lugod naburong…iriba-iba..daghanon… karapaan nalang talaga.

Pero makahahadok nan makahaghag talaga. Pag-irog sini an hinimo niya…ay basi maano siya…pag irog naman sini…basi naman diri siya makaaram… ang kinaluwasan lugod…puro ayaw baya soon…irog sini.

Nano baya an masunod sa ako….lapok? bahala na ako kun pano na klase o porma. Magseminar muna dapat ako sa paradijon… basi naman robot an masunod sa ako..kaipohan ko programming…nano kaya an mga software sa café Rosita.

Tawo…tawo an masunod sa ako…may sadiri na isip…pag awat masadiri man pagkabuhay.

Nya pan0 na?

Basta diri man maraot talaga…pabayae lang…nageeksperimento man siya…ikaw man lang an masyado …para ranggos…grabehonon na nanggad.

Pagnagsimbag…nageekspres lang yon….malay mo…he is doing his father’s will…kaya…just ponder everything in your heart.

BORONG

Mapagal ba maging magurang….siempre naman….pero maogma…mao.
Nano an pagal….grabe…an oroadlaw….
Pagbata pa…di ka makaturog bisay…maaling ka…mahal an gatas…problema pa pagnahapdos.
Pagdumako-dako…na dako-dako man an pagal…mamata sin atab kay mahatod sa eskwela…matukdo sin pagbasa nan pagsurat…mapagal pa kun ibahan kamo kamot na gamit…walahon siya…ikaw tuo. Medyo barato na ngani an gatas…palit naman an sabon nan Clorox…kay durugima pirmi…harabol na an kamot ko kapapaputi san uniform.
Paghayskol…pagal man gihapon…tutok an bantay kay kun mabarkada baga sa maraot…magbisyo. Mayad na lang hamok kun pareho nato san hayskol…HA!....tama baya?
College….grabe lalo an gastos…kay may irog na kamo sun kagurang na bata…kaaga man niyo magtadi.
Pero mapagal talaga.
Nya nano man an ogma….
Pagbata pa…grabe an tricks..bibong bibo…cute
Pagdako-dako…sige ko lang an sakat sa stage ka tutudok sin medal.
Paghayskol…mayad man kay maboot..nakadanon na sa balay maski purupano. Maasahan man…maski tagdiyo.
Pag college…wara late na namo siya nahimo.
Kaya pag inhahapot kun pano maging magurang…an simbag….hulata lang an maabot kasunod ko.

BORONG

Hay salamat….tapos na kasiribotan…Back to routine… mao ba feeling mo?
Pero bag-o ka magpasalamat ako mun-a.
Salamat sa regalo mo… aram ko nasakitan ka maghanap…una diri mo maaraman kun nano an ihahatag mo..tapos kun magugustuhan ko kaya….kun nano an size ko…nano na color…nano na design..grabe.
Nakisuksukan pa sa mga bazar… maski purupan0 makatipid…kay daghanon baga an regalohan mo…sus kapiot pati an tinampo…tindahan na….night market…pareho lang sin aga…kadaghan man guihapon san tawo.
Paralanatan pa sin dyip…malin pa uma…inlalanat para makasakay lang kay last trip na….pero niyan di man last trip…di man solo na dyip…grabe lang talaga an tawo… nakasakay ka na…traffic pa.
Pag-abot mo sa balay…mati na talaga an paggurang….nagkukulog na an mga kalawason.
Kaya ngani…bag0 matapos an kasibotan mo…makapasalamat man lang ….sa gift nan sakit sa paghanap sa gift.
Feeling ko lugod ako si kristo…na pinagalan man sa 3 na hade paghanapa.
Nagtios man san pagal sa pagbaklay sa madulom nan mapiniton na disyerto. Kun diin diin nakakadto…kay wara wara man baga an star.
Nya hala…bahala ka na kun sin0 ka…kun si gaspar..baltazar…o melchor. Salamatunonon.
Ay…hulat lang. diri an sunod na okasyon sa simbahan…semana santa?
Maging feeling ko pa kaya ako si kristo. Pwede. Pero sin0 ka.?
Hade pa guihapon…si herodes…si pontio pilato…?

BORONG

Merry Christmas….sabiha daw yun sa bata….an bata na parahapot. Siguro hahapoton ka kun hain an regalo mo sa kaniya.

Pero pwera sa regalo…an medyo makulit na bata… mahapot nano yun na krismas…

Syempre masimbag ka…mao yun an adlaw na inanak si kristo….an sunod na hapot Diin… an sunod na simbag…sa belen…si belen an ina niya… si maria.

Dar-a na lang baya yun sa hampang san belen…pakilaa intero na cast…mapagal lang kun sin-o si melchor…gaspar nan baltazar sa 3 na hadi…lipatá na lang sin korodakan.

Kun mahapot talaga an bata…mahirit pa yun…madagdag pa…nakay doon siya nabuhay… sayang wara na ada kagharong…ipabati mo na lang kunta an kanta.

Mao siguro yun an hapot san mga bata…an mga daragko na…nano man. Bata bata pano ka hinimo? Basi.

Ako an hapot ko…pano ako inanak…diin an ako inanak…sin0 man an cast sa belen ko… may mga hayop man sa palibot…mga maboot na hayop.

Ikaw …aram mo an saimo…. Ay hapota na an mga nakagurang sa imo…wara ka na chance pag ikaw na an naging pinakagurang.

Happy Birthday Nancy!

movie: click play

Dec. 15, 2009